第三次Tangalooma 遊記

已經係第三次去Tangalooma, 不過今次唔同既係同一大班人去.....
7:00am 起身對最近既我黎講係有D辛苦......

Tangalooma 係Moreton Island 上面唯一既resort, 而Moreton Island 係世界第三大沙島...我諗最特別既地方係果度可以親手餵野生海豚,環境優美, 果度重專登放左幾架爛船(不知係唔係真係會"動"果D) , 等D海洋生物可以方便聚居.

去到食完帶去既碗麵, 觀鯨團同滑沙團都過晒鐘, 都係隔離房慢mo mo ...(是但,反正我都已經玩過)
唯有去海灘玩拋落水.....

夜晚6:30重點當然係餵海豚,不過之前都餵過兩次,最大難題係餵的時候唔知要睇鏡頭定係睇海豚好...又想影靚相又想睇海豚, 最後都係忍唔住睇左最cute既海豚喇....今次唔同既係餵左成3條魚...

夜晚個個走左去訓覺...竟然去Tangalooma 訓覺......睇左一陣電視, 就同BerG落去行個圈...發現Tangalooma 竟然有Disco....

第2日..尋日游水既體力流失浮現左出黎...大家行動又慢, 最後食早餐時間剩番半個鐘,食完就去浮潛,目的地就是果幾架爛船...浮潛-係我第一次,我對咬住果個吸管好抗拒,一咬就想嘔...最後係船都係嘔左, 嚇死D鬼佬, 最後決定唔咬果舊野...海底既世界果然唔錯...同D魚一齊游水亦好過癮, 佢地話唔係好靚wor, 我自己就好enjoy law....
之後再報玩香蕉船....第一次玩有小小緊張...點知....冇人跌落水....好失望...

ps:經常自稱怕水既洪DoDo又去浮潛又去玩香船....真係好難認同佢怕水

好鬼辛苦咁除左果件潛水衫之後...觀鯨團已經出發, 大家就一齊去滑沙, 個司機有介紹下D沙, 我除左知道沙裡面含有好多整玻璃既物料之外, 其他並冇聽得好清楚,千千話仍果樹以前有挖礦wor,咩D沙吹晒過黎咁...
滑沙又係喇,玩過兩次lu, 今次一去,搶閘第一個玩,行上去沙丘真係好辛苦, 一用力踏上去D沙又下陷...好晒力....今次玩得快, 玩左成5次,破左自己先前玩3次既記錄.
ps: 千千同肥安娜成為我地食沙之冠,雙冠軍誕生.

玩完超遲, 我地趕住checkout,遲晒...大姐同BerG,肥安娜先去揀相, 點知又冇?key........

跑黎跑去,終於先完成checkout, 不過滑沙D相都係出唔切....話online買wor.... 回程既路途上面,整左鑵JonnyWalker+可樂比千千同洪DoDo,洪DoDo自己話要飲可樂架ma...hehehe,千千飲完當然係超開心喇.....

我自己幾鐘意Tangalooma, 外國人對環境保護既意色確係比華人出色, 佢地先可以保護天然既大自然風光,讓我地可以近距離同大自然接觸又唔會太影響大自然既生態,華人係Lee方面應該好好學習...